1)
श्री गुरुदेव दत्त श्री स्वामी समर्थ
खरच मला वाटते गगनात उडतच जावे।
वातावरणात स्वामिंचेच स्वरुप पहावे।
स्वामींना जवळ जाऊन निरखून बघावे।
चरणी तयांच्या थोडा वेळ बसावे।। १।।
नजरेत तयांच्या नजर मिसळून बघावे।
करुणेने मन भरुन तयातच विरुन जावे।
तेजस्वी मुखकमल न्याहाळत बसावे।
पाहून तयांना ध्यान मग्न होवून जावे।।२।।
ध्यानातही ब्रम्हांडाचे तेजोमय वलय दिसावे।
पहाता पहाता मी स्वतःलाच विसरुन जावे।
वलयाच्यामागे ब्रम्हांडनायकाचे रुप पहावे।
प्रकाशित रुप पाहूनी नयनांचे पारणे फिटावे।।३।।
नयनरम्य या संध्यासमयी नाम मुखे बोलावे।
नामस्मरणी मन लागूनी चित्त प्रफुल्लीत व्हावे।
कायावाचामने नित्य स्वामी स्वामी म्हणावे।
नाम शरीरातल्या धमण्यामध्ये सतत वसावे।।४।।
देऊन अन्न भुकेल्यांना तयात स्वामी पहावे।
इच्छा असे माझी दारातून कोणी ना विन्मुख जावे।
नको असू दे पैसा पण स्वामीधन साथ असावे।
अंती जीवनाच्या स्वामी चरणी विलीन होताना
स्वामींनी हसूनी जवळ करावे।।५।।
श्री गुरुदेव दत्त श्री स्वामी समर्थ
2)
श्री गुरुदेव दत्त श्री स्वामी समर्थ
खेळ असे हा औट घटकेचा सारा।
आपण मांडतो संसाराचा पसारा।
पळतो मग त्यापाठी सैरावैरा।
हाती न असे आपुल्या आयुष्याची धारा।।१।।
मन भरकटते जाऊनी चहुबाजूला ।
कळे न जाऊ कुठे न माहित त्या दिशेला।
विचारांने पारखून जावे त्या बाजूला।
कुणाचे भय वाटे मना स्वामी असता आसरा।।2।।
जे कर्म करतो ते पाप पुण्यासोबत असे साथीला।
आयुष्य कसे जाई कळतसे ना कुणाला।
येईल तो सुदिन तुझ्याच जीवात वसला।
स्वामींची साथ असे सदैव तुजला।।3।।
हाक मारीता स्वामी दिसत आसपास।
का देसी जीवास इतका त्रास।
नामाची नित्य सवय लाव मुखास।
स्वामी करिती नित्य तुझ्या अंतरी वास।।4।।
निरपेक्ष प्रेम विनाअट क्षमा असे वंदनीय।
अन्नदान असे दानात दान अतुलनिय ।
पुण्य नसे यासारखे जगती अन्य।
साधनेतून मिळवून समृध्दी होई तू धन्य।।5।।
श्री गुरुदेव दत्त श्री स्वामी समर्थ
3)
श्री गुरुदेव दत्त श्री स्वामी समर्थ
जेथे जातो तेथे
तू माझा सांगाती
चालविसी हाती
धरोनिया
तूच असे कर्ता
आणि करविता
तूच पुरविसी सर्व
मनीच्या ईच्छा
कृपा राहो सदैव अशीच
सर्वांवरी चाखूू दे सर्वांना
तुझिया नामातील
अविट गोडी
नामस्मरणी होता चित्त
एकरुप गळूनी जाई
चरणी मस्तक ठेवता
अहंभाव लयास
कोणी नसे मोठा
कोणी नसे छोटा
स्वामीं दयाळू मायबाप
असे सर्व भक्तांचा
सुचविले तुच मज
हे चारशब्द लिहाया
तुजलाच अर्पूनी मागते
आशिष मिळू दे सदा
लेकरांया
श्री गुरुदेव दत्त श्री स्वामी समर्थ
4)श्री गुरुदेव दत्त श्री स्वामी समर्थ
स्वामीविण कोण आता
नच त्राता या जीवा।
मनी ईच्छा धरीता
मजकडून घेतील
करवूनी पारायणा।
मन स्थिर होता
श्री चरणी रत।
होतील मानसिक
कष्ट सुसह्य विघ्ने
जातील कोसो दूर।
पाठी पुढे उभा स्वामी
माझा मायबाप।
त्याच्याचरणी नतमस्तक
होऊनी सदा। स्मरता हृदयी
तयांना। कवटाळूनी घेई मज
कुशीत।
गुरुराया माझा स्वामी
प्राण माझा अंतर्यामी।
स्वामींवर ठेवता विश्वास
जगावेगळी अनुभूती
मिळेल सर्व भक्तांस।
श्री गुरुदेव दत्त श्री स्वामी समर्थ
5) श्री गुरुदेव दत्त श्री स्वामी समर्थ
आपल्याकडे अंतरात असणारा स्वामी नामरुपी ठेवा मुखात आणून जर त्यावर विश्वास ठेवला ना तर या जगातील सर्व दुःखात सुध्दा आपल्याला सुखरुपी फुल उमलेल दिसेल.आणि कितीही अडचणी आल्या तरी नामाचे हे औषध त्यातून संभाळून नेईल.
नको रे मना तू व्यर्थ खंत करु
नको रे मना आसवे ओघाळू
का रे मना तू विचारात राही
स्वामींचा अनुभव घेऊन पाही
नाम बघ तुझ्या अंतरी विसावे
त्यातूनच तुझे भाग्य उजळावे
सद् विवेक बुध्दी जागीराहावी
नामातून स्वामी मूर्ती दिसावी
प्रश्नाचे उत्तर नामातच मिळावे
स्वत्वाला स्वामींत मिळवावे
ठेवता विश्वास सदा स्वामींवर
तेच करती तुमची नौका पार
स्वामीरुपी ठेवा असे सर्वांकडे
स्वामीरुप दिसे मज चहूकडे
दोन हात जोडिते तव चरणी
सर्वांची सेवा घ्या गोड मानूनी
श्री गुरुदेव दत्त श्री स्वामी समर्थ
6) श्री स्वामी समर्थ
स्वामीचरणी ठेवा भाव
आपोआप भेटे देव
स्वामी नाम असे पवित्र
नामस्मरणे पालटतसे चित्र
स्वामीनाम मुखी ठेवा सकळ
उभा ठाके समोरी दिनदयाळ
मन होई शांत गाता त्रिपदी
आणि घोरकष्टोध्दरण स्तोत्र
सोडती शरीरा काम क्रोध
दूर पळती मनाच्या व्याधी
कशाचेही न भय मनी धरी
स्वामींना सदैव ठेवा अंतरी
टाळ,मृदुंग रंगले स्वामीभजनी
शरण जाता अश्रू येती नयनी
श्री स्वामी समर्थ
7)श्री गुरुदेव दत्त श्री स्वामी समर्थ
जय जय स्वामी समर्थ गजरी
पाहिली दिनदयाळ अन्नपूर्णेश्वरी
धरी भक्तांवर कृपेची सावली
श्री स्वामी समर्थ गुरुमाऊलीेे
स्वामीराजांचे सदा स्मरण होई
षडरिपु जाळिता गुरुभेट होई
नामाच्या घोषांने येई शांती शरीरी
देहभान हरपून जागे साधनाअंतरी
आई वडिलांचे असे ऋण मजवरी
याजन्मात गुरुसेवेची मिळे शिजोरी
मी स्वामींची स्वामी माझे मायबाप
साथ स्वामींची असता हर्ष अमाप
कविता स्वामींनी लिहून घेतली
त्यांचीच ही रचना त्यांनाच अर्पिली.
श्री गुरुदेव दत्त श्री स्वामी समर्थ
8) श्री गुरुदेव दत्त श्री स्वामी समर्थ
मनी शंका कुशंका
उगीच का धरीता
नामस्मरण करावे
प्रेमाने सर्वदा
नित्य कर्मातूनी
सदा जपावे
सापडता
थोडा वेळ
व्यर्थ न जीवन
घालविता
स्वामी नाम
जपा सुंदर
श्रध्दा ठेवावी
नामावर सर्वदा
अंतरी स्मरावे
स्वामीवर
आठवा धृवाचा
नाम ध्यास
खेचून आणि
तो नारायणास
घ्या रे स्वामीनाम
करुनी तया वंदन
येता जाता स्मरता
होतील सर्व काम
मानसपूजा करुनी
आणावे मनी स्वामी
अनुभूती मिळे जीवनी
रत श्री स्वामी समर्थ नामी
ध्यानीमनी अंतर्यामी
श्री स्वामी शंकर
दिसे मज मुखावरी
बदलता भाव निरंतर
नामात असे भक्ती
जपता नित्य नियमी
भावना येऊन दाटती
खेचून आणती शक्ती
श्री गुरुदेव दत्त श्री स्वामी समर्थ
9) श्री गुरुदेव दत्त श्री स्वामी समर्थ
स्वामीआई सदा सर्वदा आपल्या बरोबरच असते.ती आपल्या भक्ताला क्षणभरही एकट पडू देत नाही.फक्त तीच असण,सहाय्य करण हे प्रत्यक्षात न दिसता अनुभवाव लागत.आणि हे केवळ नामस्मरणाने,तिच्यावरील विश्वासाने सहज अनुभवता येत.फक्त मनःपूर्वक आणि श्रध्देने हाक मारली ना की उत्तर मिळतच.
श्री गुरुदेव दत्त श्री स्वामी समर्थ
संभ्रमात असताना मनी
अलगद फिरवून गेला
डोक्यावरुन मायेचा हात
स्पर्शाने स्वामीमाऊलीच्या
शहारून गेले अंतरंग
उत्तर मिळे त्याच क्षणी
नयनात दाटते पाणी
वाटे मज भाग्यवान या जगी
माझ्यासारखी मीच पामर
वाटे कुशीत शिरुन राहावे
असेच स्वामीआईच्या निरंतर
दृष्ट न लागावी तीच्या प्रेमाला
अशीच राहू दे कृपादृष्टी सर्वांवर
श्री गुरुदेव दत्त श्री स्वामी समर्थ
10) श्री गुरुदेव दत्त श्री स्वामी समर्थ
श्री गुरुदेव दत्त श्री स्वामी समर्थ
मला सुचत ते लिहिते .ते मी कोण लिहिणारी ती माऊलीच अंतरात शिरुन लिहून घेते.कधी कधी मी एकटीच खूप रडते माऊलीजवळ बसून आपोआप उत्तर मिळून जाते.स्वामी माऊली जन्मोजन्मीची आई आहे माझी. खूप खूप ओळख असल्यासारख वाटत.वडाच्या पारंब्यांबरोबर दोस्ती असल्यासारख वाटत गूढ कळत नाही. मग असच काहितरी काव्य तिच्याच स्फुर्तीने सुचते आणि ते शब्दात उतरते.
स्वामीआईने सुचविलेले
काव्य तिलाच अर्पण.
मज पामराचे नाही हे
शब्द पायीची वहाण
पायीच बरी.कृपाकरी
एवढी साथ न कधी
सुटावी.दिनरात
स्मरणात राहावी
खूण तुझी.अहंकाराचा
न कधी व्हावा स्पर्श
कितीही झाला जरी
माझा उत्कर्ष.मुखातले
नाम सुटू नये कधी
अंती असू द्यावी
नित्य साथ संगती
यावे यावे गुरुवरा
स्विकारावे नमस्कारा
तुम्हाशिवाय न जगी
कोणी या लेकरा
अंतरातून मारी हाक
तूच माझी आई
आणि मीच तुझी
वेडी लेक.जन्माला
येऊनी केली पुन्हा
तुझ्याशीच जवळीक.
श्री गुरुदेव दत्त श्री स्वामी समर्थ
11)श्री स्वामी समर्थ
हरण्यातूनच माणूस
नेहमीच जिंकत असतो
घडलेल्या चुकांतूनच
खूप काही शिकत असतो
येणारा आजचा दिवस
जर असेल त्याचा
पण जो उद्या येईल
तो असेल माझाच
असाच भाव ठेऊन मनात
निरंतर मनाला सांगायच
आयुष्यात सत्याने पुढे जाऊन
जगाला जिंकून दाखवायच
रडून अश्रू ढाळून
स्वतःवरच का रागावायच
आयुष्यात सर्वच
का गमावून बसायच
फुकटचा सल्ला देऊन
असतात फसवणारे
त्यातील चांगल वाईट
आपणच जाणून घ्यायच
येणार्या काळजीला
हसून सांगायच
सुंदर आहे जीवन मजेत
भरभरून जगायच
कोलमडून जाण्यापेक्षा
प्रत्येक क्षणाला जिंकायच
वादळातून होडी पार करण्याच
धैर्य भगवंताकडे मागायच.
प्रयत्नांना जोड द्यावी कष्टांची
ईच्छा धरायची मनात
फिनिक्स पक्षासारखी राखेतून
जिवंत भरारी घ्यायची
धीटपणाने कष्टांच्या वाळूत
पाय भक्कम रोवून उभ राहायच
स्वामीकृपेने मिळणार्या विजयाला
दोन हात पसरुन हळूच कवेत घ्यायच
श्री स्वामी समर्थ
12)
श्री गुरुदेव दत्त श्री स्वामी समर्थ
जेव्हा येईल आठव मनात
जीव ओतावा स्वामींरायात
प्रत्येक गोष्ट करावी सांगून
मनोमनी स्वामींशी बोलून
साठवावे स्वामीरुप नयनांत
जेे मनी वाटे ते अर्पावे स्वामींस
असे गुंतवावे मनास स्वामींचरणी
जसे भ्रमर गुंते फुलात मधुकारणी
देहाने करुनी पूजाआरती स्वामींची
मन मात्र फिरती करते चहूबाजूची
असे करता व्यर्थ तीे पूजाआरती
ज्यात देहमन एकचित्त न होती
एकचित्त होऊनी करीता मानसपूजा
पोहचूनी स्वामींस मिळे शांती काजा
रोजच्या नित्यकर्मी काढूनी थोडावेळ
गुरुचरणी नामरुपी अर्पावे कमळ
लाभेल गुरुची करीता सद् भक्ती
कृपाप्रसादे मिळेल सद् विचारशक्ती
मिळे मानवजन्म न घालवी वाया
सत्कर्म करता उध्दरुनी जाईल काया
श्री गुरुदेव दत्त श्री स्वामी समर्थ
13)श्री स्वामी समर्थ
होते मन अती दुःखी
त्रासून जाई अंतःकरण
लागता मना गोष्ट काही
तेव्हा गळा येतो दाटून
हट्टी मना न पटता विचार
भावनांचा होतो कल्लोळ
विचारांचे होता द्वंद्व मनी
अहंकार तो फणा उभारी
आपले करती मनावर घाव
कुठे करावी सांगा तक्रार
असे दोन गोड शब्दांची आस
समजून घेण्या लागती सायास
अशावेळी आठवणी येती दाटून
आठवे मैत्रीचे दिलखुलास संभाषण
गेले दूर ते पारिवरिक हसरे क्षण
राहीली शाब्दिक चकमकीची खूण
अशा आठवणींना फुटता पाझर
अवचित अश्रू ओघळती गालावर
जगात कॉपी-पेस्टचा चाले बाजार
भरडून जाती लिहिणारे खरोखर
सत्याने जगणार्यास जे मागती आधार
अशांने मन होई स्वामीचरणी स्थिर
स्वामीनाम हाच एक असे माझा ध्यास
जाऊ दे सर्व मनातून शरण मी स्वामीपदास
श्री स्वामी समर्थ
14)श्री गुरुदेव दत्त श्री स्वामी समर्थ
जोडले जे नाते स्वामींशी कायम
त्याला न गरज नाव देण्याची
न सांगता जुळणार्या नात्यांची
परिभाषा असे काही वेगळी
स्वामीमाऊलीचे नाते अतूट
होई दुःखी मन होता ताटातूट
मुखात नाम न आठवता रुप
कासाविस होई जीव हा खूप
जन्म हा असे पाण्याचा थेंब
वेळ दवडता सत्कर्म जाती लांब
स्मरा स्मरा रे स्वामी दत्तात्रय बोला
आनंद मिळून मिळे शांती जीवाला
श्री गुरुदेव दत्त श्री स्वामी समर्थ
15)श्री गुरुदेव दत्त श्री स्वामी समर्थ जय शंकर
श्री स्वामी समर्थ जय जय स्वामी समर्थ
सिध्द करुनी मंत्र जपता, येई जीवनी अर्थ
कलियुग असे चालले ,दुर्जनांचे जाळे पसरे
सज्जनांना या आपत्तीतून, नामजपच तारे
विपरीत काळ असे ,होती कलह आणि वाद
कलीच पुरवी शक्ती ,स्वैराचार व भ्रष्टाचारास
मन कायम चंचल ,स्थिर न राही बुध्दी क्षणभर
अंतर्मनात सदा कलिचा, सुसाट असे वावर
काम,क्रोध,मद,मत्सर, रुपे फिरे शरीरभर
नित्यजीवनी सोडून सत्कर्म, प्रभाव अहंपणावर
अहंकाररुपी कली, मानवाच्या बसे मानगुटीवर
प्रत्येक कर्मा लावी ,तो मीपणाची झालर
सदाचार पावूनी नष्ट, दुराचार फिरे घरभर
जप,पूजन,किर्तन,दान करण्या लागे आधार
यासर्वां दूर सारण्या नाम एकच असे चमत्कार
नामाच्या स्वाधीन करता कलीरुपी मी जाई दूर
स्वामीनाम रुपी साधनेचा,घेऊनी बघा हो ध्यास
पार करुनी या सागरा ,जन्म मरणाच्या फेर्यातून
सुटाल खास
सदा नाम ठेवता, ओठावर श्री स्वामी समर्थांचे
आठवून शेवटच्या क्षणी, सार्थक होईल जन्माचे
श्री स्वामी समर्थ जय जय स्वामी समर्थ हसत
खेळत नाम घेता पळून जाई कली अहं शोधार्थ
श्री गुरुदेव दत्त श्री स्वामी समर्थ जय शंकर
16)श्री गुरुदेव दत्त श्री स्वामी समर्थ जय शंकर
स्वामी माझे चित्त
राहो सदा निर्मळ
मिळो परम आनंद
तव नामी रंगण्यात
दिसो माझे डोळा
सुंदर तुझे रूप
पाहता तुज नित्य
ठसूनी राही नयनात
तूच वससे ठायीठायी
प्रत्येक भक्ताच्या हृदयी
प्राणीमात्र वृक्ष वेली
चल अचल सृष्टीत
तूच असे देणारा
न मागता सर्व देई
तूच असे तारणारा
रक्षण करी संकटात
सत्ता तुझी सर्व जगती
लेकरावर राहो कृपादृष्टी
खंड न पडता उपासनेत
मन रमू दे तव चरणात
धन्य झाले मी जीवनी
भेटतसे मज रात्रंदिनी
नित्य गुरुसेवेचा प्रसाद
मिळावा जन्मजन्मांतरात
श्री गुरुदेव दत्त श्री स्वामी समर्थ जय शंकर
17)श्री गुरुदेव दत्त श्री स्वामी समर्थ
अशुभ गोष्टी शुभ होती खास
स्वामींवर ठेऊन पहा विश्वास
लागती नवग्रह न पाठीशी
काम क्रोध अर्पिता श्रीचरणांशी
संकटातून सुख घालते मिठी
स्वामींचा आशिष असता पाठी
काळवेळ न कदापी बाधती
स्वामीं पदकमली ठेवता प्रिती
पळती विघ्ने दाही दिशा
स्वामीसेवेची चढता नशा
तन मन धन एक करून
स्वामींगुरु चरणी अर्पावे मन
ठेवता शुध्द मन सर्वकाळी
सद्गुरुं राहती सदा जवळी
एक एक फुल गुंफून माळेत
नामी राहूनी स्वामींना ठेवी हृदयात
श्री गुरुदेव दत्त श्री स्वामी समर्थ जय शंकर
18) श्री गुरुदेव दत्त श्री स्वामी समर्थ
प्रसन्न वदने प्रसन्न होसी
निजभक्तांवर कृपा करसी
तुज चिंतता मंगल करसी
जगदंबे स्वामीमाऊली तू
कधी अंतराचा ठाव घेसी
समझत नसे या पामरासी
नमूनी मागते तव चरणासी
तव नामस्मरणी गति मिळू दे
या दिन शरणागतासी
श्री गुरुदेव दत्त श्री स्वामी समर्थ
19)श्री गुरुदेव दत्त श्री स्वामी समर्थ
शरणागत मी तव पाया ।
धाव धाव घेई रे गुरुराया।
गुरुविण मन विसंबे न क्षणभरी।
करुणा भाकूनी आळवी निरंतरी।
करीत तव मनापासूनी सेवा चाकरी।
समजे न मज देवा चूक बरोबरी।
तूच करवूनी घेसी सेवा माऊलीची।
जिने बाळपणी वाढवले या जीवासी।
व्हावा न त्रास तीज या उतारवयासी।
स्थिर होऊ दे मन तिचे तव पदासी।
प्रारब्ध भोग कधी कुणा न टळले।
तुझ्या हातीच असे आयुष्याचे दोरे।
दिनदयाळा भक्तवत्सला दिनानाथा।
पावन करुनी जीवन या जीवा उध्दरा।
श्री गुरुदेव दत्त श्री स्वामी समर्थ
20)श्री गुरुदेव दत्त श्री स्वामी समर्थ जय शंकर
हे शंकरा मनी वसती करा
करुनी कृपादृष्टि दिनावरी
धाव धाव घेई झडकरी
सत्वर मायामोहबंधनाचा
पडो विसर
शंकर शंकर नाम शुभंकर
मनातून आले अलगद बाहेर
वाटे तुझ्यातच मी निरंतर
विलिन होऊन जाते पळभर
नाम शंकर मज आधार
हीच माझी खूण खरोखर
याजन्माची भेट आपुली
चांगल्या कर्मांची यादगार
हरीहर असती महाराज शंकर
वरुन दिसती एकदम कठोर
अंतरी लोण्याहून प्रेमळ शक्कर
भक्तावर त्यांची घारीची नजर
गिरनारी भेटती दत्त-शंकर
तेजाचा प्रकाश हा सभोवार
दिपून जाई मन होई उध्दार
साक्षीला असती कडेकपार
साद घाले मज गुरुशिखर
गुरुचरणा भेटाया आतूर
कृपा करावी स्वामी मजवर
आळविते तुज स्वामीशंकर
नमो नमो गुरु स्वामी मंगेशा
कर्ताकरविता तूच यतिवर
तुज अर्पिते कवनांचे भांडार
गोड मानूनी घ्यावे सत्वर
नतमस्तक मी तव चरणावर
श्री गुरुदेव दत्त श्री स्वामी समर्थ जय शंकर
21)श्री गुरुदेव दत्त श्री स्वामी समर्थ
साद घालत जा स्वतःला
हे मना तू
बोलले काही कुणी तरी
हसत राहा
तूच बोल तुझ्या बरोबर
काय सांगावे
मिळेल तुझिया प्रश्नाचे
छानच उत्तर
खोलून अंतर्मनाचे व्दार
शोधित जा
तुझ्यातील सुप्त गुणांचे
पैलू अपरंपार
परिक्षाच ही असे एकूण
जगताना जीवन
रोजचे नविन दिवसाला
दाखवावे पेलून
आजचे नसे उद्या काही
चक्र फिरते हे असे
आयुष्याच्या खडतर क्षणी
मजेत जगावे कसे
नित्य नवे जीवन जगणे
रोज काही वेगळेच
घडून गेलेली प्रत्येक गोष्ट
तळमळीने बघणे
कानी पडती ते आवाज
अंतरातील बोल
स्वामीनामात बुडालेले
जाऊनी सखोल
एकदाच अहं ला पारख
मनातल्या मनात
सोडून दे त्याला तिथेच
मग जग आनंदात
सुंदर निळ्या आकाशात
विहरत राहावे
स्वामीनाम सर्व हृदयात
जाऊन पेरावे
कधी तरी एक दिवस
येईल तो क्षण
स्वामी समर्थ म्हणताना
प्राण जातील निघून
श्री गुरुदेव दत्त श्री स्वामी समर्थ
22)श्री गुरुदेव दत्त श्री स्वामी समर्थ
देव नसतो रे बसलेला
मंदिराच्या गाभार्यात
तो तर असे वसलेला
दिनदुबळ्यांच्या मनात
मदत करता तुम्ही त्याला
हास्य उमटेल डोळ्यात
तिथेच दिसेल देव तुम्हाला
त्याच्या प्रसन्न झालेल्या चेहर्यात.
श्री गुरुदेव दत्त श्री स्वामी समर्थ
23)
श्री गुरुदेव दत्त श्री स्वामी समर्थ
घाल घाल पिंगा वा-या।
स्वामींआईच्या दारात ।
मन मोग-याच्या सुवासाने ।
कर स्वामीसेवेची बरसात ||1||
मंद केसरी सुगंधाची।
लागता चाहूल हवेत।
स्वामींच्या आगमनाची ।
प्रत्यक्ष खूण पटे अंतरात||2||
आठव येता स्वामींआईची।
नयनात पाणी दाटून येत।
स्वामीनामाच्या गजरात।
मन धुंद होऊनी नाचत||3||
स्वामीं अस्तित्व दाखवूनी।
प्रचिती सदभक्तास देत।
प्रारब्धाचे भोग भोगण्या।
नामामृताचे अमृत पाजीत||4||
धन्य धन्य तो स्वामीभक्त।
जो सर्वस्व स्वामींना अर्पित।
स्वामींच्या ईच्छेला मानून।
आनंदाने आयुष्य जगत||5||
स्वामींनी सुचविलेल्या।
ह्या नामाच्या चार ओळी।
स्वामींना शरण जाऊन।
अर्पिते स्वामी पदकमलात||6||
श्री गुरुदेव दत्त श्री स्वामी समर्थ
24)
श्री गुरुदेव दत्त श्री स्वामी समर्थ
सुंदर विष्णूरुप स्वामींचे पाहीले
चित्त प्रफुल्लित जाहले
अंतरात स्वामीराय विसावले
गुरुरुपी नारायणा चित्ती ठसवले
ध्यानी मनी स्वप्नी नाम गुंफले
स्वामीकृपेत जीवन भिजले
भिऊ नको मी असे सदा पाठीशी
स्मितहास्य करुनी स्वामी वदले
श्री गुरुदेव दत्त श्री स्वामी समर्थ
वैशाली कुळकर्णी
25)
श्री गुरुदेव दत्त श्री स्वामी समर्थ
मार्ग नसे आणिक संसारी
स्वामीविण न दिसे आसरा
भय चिंता कसली करता
स्वामीराज असता सोयरा
दुःख संकटी स्वामी माझा
सखा सोबती मित्र खरा
पार करवितो नौका देऊनी
स्वामीनामाचा प्रवास झरा
मुखाने स्वामीनाम घेता
स्वामींच दिसतील अंतरा
श्री गुरुदेव दत्त श्री स्वामी समर्थ
वैशाली कुळकर्णी
26)
श्री गुरुदेव दत्त श्री स्वामी समर्थ जय शंकर
सरत चाललय आयुष्य
स्वामी नामाच्या सानिध्यात
भाग्यवान मी या संसारी
स्वामी नाम राही सदैव ओठात
तळ्यात आणि मळ्यात एक
असे नसते मज वागायचे
जे काही आहे ते स्वीकारुन
आनंदाने जीवन पार करायचे
स्वप्न सत्यात उतरावे मनाचे
न मागता सर्व काही मिळाले
स्वामींनी सेवेची संधी देऊन
अलगदपणे स्वतःमध्ये सामावले
कशाला पाहिजे वैचारिक व्दंव्द
स्वामींवर विश्वास हीच माझी जिद्द
शांतपणे करावी उपासना नित्याची
नकळत पूर्ण होती सेवा कर्मे रोजची
इच्छा आहे स्वामी माझी एकच
शक्ती दे मज इतकी भरपूर की
तू घेतलेल्या परिक्षेत सफल होऊन
तुझ्या कुशीत शिरायला येईल बळ
मी तू पण काढून घे पदरात चुका
मनात नसते तरी बोलत करतोस कसा
नको स्वामीराया आता पुरे झाले हाल
शांत कर जीवा नाम राहो मुखी सर्वकाळ
श्री गुरुदेव दत्त श्री स्वामी समर्थ जय शंकर
27)
श्री गुरुदेव दत्त श्री स्वामी समर्थ
जिकडे पाहावे तिकडे
माझा स्वामीराया
उभा दिसे।
डोळे भरुन
स्वामीरायाला
बघत मी राहतसे।
तेजोमय रुप तुझे
दाही दिशानां
भरुन पसरतसे।
जिकडे पाहावे
तिकडे
सारखाच मज
दिसतसे।
लेकरांवर ठेऊनी माया
सदासन्निग्ध सर्वांच्या
अंतरी वसे।
स्वामी समर्था
मायबापा तुझ्या
भक्तित मन झाले
वेडेपिसे।
हात जोडूनी
मागते मागणे
एकदा तरी
तुझ्या तेजात
सामावून घ्यावे
ही मम अंतरीची
आस असे।
श्री गुरुदेव दत्त श्री स्वामी समर्थ
28)
श्री गुरुदेव दत्त श्री स्वामी समर्थ
शरीर रुपी
नावेतून
करु आत्म्याचा
प्रवास
क्षणाक्षणाला
घेत जाऊ
स्वामीनामाचा
ध्यास
शरीरातून हळूच
जाता अंतरात
प्राणशक्तीच्या
जाऊ दारात
ध्यान लावता
स्वामीनामाचे
प्रगट होई
स्वामीशक्ती
मन अर्पण
करु स्वामींना
नामाला बसवावे
श्वासामधी
श्वासातूनच
स्वामीनाम
होतसे स्थिर
अंतर्मनी
गुरु परब्रम्ह
तोच परमेश्वर
नामातच बांधूनी
ठेवावे शरीर
ऐक ही नामाची
कहाणी सुंदर
हाक मारिता
उभा जगदीश्वर
नामरुपी देह
नामातच ज्ञान
नाम मुरविता देही
लया जाई अज्ञान
सुंदर नश्वर देहात
प्राणच ईश्वर
ध्यानीमनी माझ्या
स्वामी प्राणेश्वर
जाऊ स्वामींच्या गावा
स्वामी नामात रंगून
सदा शरणागत राहून
धरु स्वामींचे चरण
स्वामी लाभता जीवा
होई आनंद परमानंद
स्वामी स्वामी म्हणूनी
घालिते लोटांगण
श्री गुरुदेव दत्त श्री स्वामी समर्थ
वैशाली कुळकर्णी
29)
श्री गुरुदेव दत्त श्री स्वामी समर्थ जय शंकर
मावळताना रवी
फेकी एक दृष्टी
दिवस संपून मंदसंध्या
समयी होई मन कष्टी
होई सांजवेळी
रंगांची उधळण
वाटे जणू अबंर येई
पंचरंगी शाल पांघरुन
कलाकृती उभी करती
मेघ सर्व मिळूनी
प्राणी,पक्षी देवतांचे
चित्र रेखाटूनी
गुलाबी पिवळा मंद
प्रकाश पडे भूवरी
मनी होई चलबिचल
जीवनाचे मर्म कळे येथूनी
जाती पक्षी सांजसमयी
आपुल्या घरट्याकडे
आयुष्यातील खेळ खेळूनी
जायचे असते गुरुचरणांकडे
जीवनातील कर्म सारे असे
रवि उदय अस्तामध्ये
जाणून घेरे माणसा तूच
अनंताचे रहस्य ध्यानामध्ये
सोडू नको ध्यास तू
नामात राहण्याचा
बघ एक दिवस येईलच
स्वामीमय होऊन जगण्याचा
अनुभव हा असे माझा
शोधून न सापडणार
शब्दाशब्दातूनी मनाला
स्वामीच आतुरतेने भेटणार.
श्री गुरुदेव दत्त श्री स्वामी समर्थ जय शंकर
-- वैशाली कुळकर्णी--
29)
श्री गुरुदेव दत्त श्री स्वामी समर्थ
सद्गगुरुराया तुझ्या
प्रेमाचे पांघरुण
पांघरावेस या
पामरावर रात्रंदिन
नामातून होऊ दे
मन विचारशून्य
तूच एक आधार मज
संसारी न कोणी अन्य
नको दुजे काही
मज लाभो समाधान
अहंकाराच्या भोवर्यात
न सापडो जीवन
कडक शब्दांचे
चपराक देऊन
लचके तोडताना
न ठेवती भान
क्षमा करुनी तयांना
देई सत्य असत्याचे ज्ञान
सदा कर रे रक्षण
तुझ कवच घालून
एक एक पायरी
नामाची चढताना
न पडो रे विसर राहा
तू अंतरी सदा विराजमान
सद्बुध्दी देई मज
सदा नामात राहिन
दिन दुबळ्यात सर्वदा
तुलाच रे मी पाहीन
मनातले चार शब्द
तुझ्या कृपे उतरले पानावर
सुचित करणारा तूच
असे माझा परमेश्वर
भावसुमनांचे रिंगण
अर्पिते तुजलागी
गोड मानूनी घे रे
तुझेच शब्द सर्वकाही.
श्री गुरुदेव दत्त श्री स्वामी समर्थ
वैशाली कुळकर्णी
30)
श्री गुरुदेव दत्त श्री स्वामी समर्थ जय शंकर
कष्टलो फार त्रास होई जीवाला।
पहाता मी मम स्वार्थ भावना।
होती मनाला असंख्य वेदना।
हे स्वामीराया सोडवी या बंधना।। 1।।
ओढ मज प्रपंचाची लागते।
नाश असे हे माहित असते।
तरी मनाला कधी कळेचना।
हे स्वामीराया सोडवी या बंधना।।2।।
तापदायक विचार मना जाळती।
राग लोभ अहंभाव जीव घेती।
मनास स्थिरता जराही मिळेना।
हे स्वामीराया सोडवी या बंधना।। 3 ।।
लोभ मोह माया सदा आठवे ।
त्यास पकडूनी ठेवणे आवडे।
तुझे नाम घेण्यास आठवेचना।
हे स्वामीराया सोडवी या बंधना।। 4 ।।
माय बाप बंधू बहिण नाती।
सर्वात तूची भरुनी राहसी।
नतमस्तक सदा तव चरणांसी।
हे स्वामीराया सोडवी या बंधना।। 5 ।।
म्हणवी चार लोकांत तुझा सेवक।
जाणून असशी तूज नलगे सांगत।
भक्ती शक्ती दे तुज असे मागत।
हे स्वामीराया सोडवी या बंधना।। 6 ।।
किती रे करावी मी उपासना।
तूच साथ देसी हे कळचेना।
का होतसे मनी संघर्ष भावना।
हे स्वामीराया सोडवी या बंधना।। 7 ।।
दुःख भोगले विषयात राहूनी।
मी कर्ता वृत्ती सदा रुजवूनी।
नको वाटे जीवा ही अहंभावना।
हे स्वामीराया सोडवी या बंधना।। 8।।
डोळे थकले तुझी वाट पाहता।
हे स्वामीनाथा जाणसी सर्वदा।
कधी येसी तू संसारभ्रम निवारण्या।
हे स्वामीराया सोडवी या बंधना।। 9।।
मायातीता तूच मनी डोकावीसी।
मोहजालात तू गुरफटूनी टाकसी।
कसे गुंतते मन हेच समझेचना।
हे स्वामीराया सोडवी या बंधना।। 10 ।।
जीवन नच पुरे होतसे तुज शिवाय।
साधाया स्वहीत नच कळे पर्याय।
आनंद न होता मना होती वेदना।
हे स्वामीराया सोडवी या बंधना।।11।।
तुच सुचविता मम असे रे धनी।
तू ज्याच्याकडे त्यास काय कमी।
तुज न देखता स्मरण सदा करे मनी।
हे स्वामीराया सोडवी या बंधना।।12।।
जगाचा असे नाशिवंत पसारा।
नटरंगी दुनियेत कुणाचा कोणीना।
दर्शन देऊन दे चरणी आसरा दिना।
हे स्वामीराया सोडवी या बंधना ।।13।।
मन कठोर तू कधी न करावे ।
मज अंती सर्वदा तूच दिसावे ।
काय करु मी पण धीर सोडीना।
हे स्वामीराया सोडवी या बंधना।।14।।
स्वामी शंकरा तव नाम आवडी।
स्वामीनामाची गोडी अविट लाभली।
प्रार्थना करता विचारात येई चेतना।
हे स्वामीराया सोडवी या बंधना।।15।।
थांब थांब रे नकोच जाऊ दूर।
तुझे स्थान असे मनमंदिरी स्थिर।
एकच ध्यास तव नामाचा जरूर।
हे स्वामीराया सोडवी या बंधना।।16।।
वाचवी आता या भवसागरातूनी।
तूच एक आधार जाणिले मनी।
नामातच तुझ्या मम श्वास राहिला अडकूनी।हे स्वामीराया सोडवी या बंधना।।17।।
श्री गुरुदेव दत्त श्री स्वामी समर्थ जय शंकर
31)
श्री स्वामी समर्थ जय शंकर
आले घरी श्री शंकर बाबा
मायेचे कवच मिळाले जीवा
डोळ्यातून प्रेमाची साक्ष घडे
तुज शिवाय मज चैन न पडे
गुजगोष्टींना एक धार चढे
नकळत आसवांना वाट मिळे
धुवून जाता मनाचे कोपरे
त्यात स्वामीनामाची हवा भरे
नटविता महालक्ष्मी स्वरुपी
अद्भूत रुप बसविले हृदयी
ओटी भरुनी शक्ती स्वरुपाची
आशिष द्या दिनदुबळ्यासाठी
चारमिनार न ओढता येई वास
आजूबाजूला होतात भास
खिचडीची मेजवानी खास पुरवती सेवाव्रताची भूक
थोपवती विरोधी आक्रमणास
दाखवून देती स्वतःचा राग
वायू घालती लोटांगण चरणी
पाहूनी स्वामीरुप आले सदनी
घेऊनी सोबत गजाननबाबांस फोटो रुपे आगमन होई घरात
वर्ष कधी होई नकळे मनास
आठवती सर्व गोष्टी मनात
ओवाळीते नजर काढूनी
अर्पिते सर्व भूलचूक चरणी
शंकरगीता पारायण सेवा
घ्या गोड मानून या मंगलदिनी
धन्य जाहले जीवन लाड पुरवी येऊन प्रत्यक्ष नारायण
आणखी काय पाहिजे जीवा
आशिर्वादाचा हस्त सदा असावा.
श्री गुरुदेव दत्त श्री स्वामी समर्थ
वैशाली कुळकर्णी
32)
श्री गुरुदेव दत्त श्री स्वामी समर्थ जय शंकर
स्वामी शंकर नच वेगळे ।
भेट देती कुणासही नकळे।
आठव येता जीव कळवळे।
भाग्यवान ज्यांना हे कळे।
नजरेत दिव्य स्पंदन आगळे।
येता नयनातूनी अश्रू ओघळे।
माऊली तुजवीण कोणा वळे।
अंतरी मी सदा स्वामीशंकररुप पाहिले।
शंकर नामाचा महिमा गाती भक्तगण सारे।
संचाररुपी स्वामीशंकर रुप अवतरे।
त्याच्याचरणी नतमस्तक होती सगळे।
त्रिगुण रुपी ईश्वरा पाहाण्या हा जीव तळमळे।
भेटता शंकर बाबा ज्याची त्याला खूण मिळे।
श्री गुरुदेव दत्त श्री स्वामी समर्थ जय शंकर
वैशाली कुळकर्णी
33)
श्री गुरुदेव दत्त श्री स्वामी समर्थ
घासून,तासून, तोलून, मापून|
उच्चारावा शब्द बोलण्यापूर्वी|
शब्दा शब्दागणिक स्वामी स्वामी|
म्हणावे पाउलपुढे टाकण्यापुर्वी ||
शब्द असती कातर तेची सुईदोरे |
बोला ते मोजून खमंग खमके|
भान देश,काळ व्यक्तीचे ठेवावे|
उच्चारी स्वामी नाम उध्दरी मना रे||
सांगावे खरे बोलावे बरे |
बोलण्यापूर्वी विचार करा रे |
पडू देवू नको मनावर चरे |
मनात येता असे विचार रे|
स्वामी नामाचा तू जप कर रे ||
वर्मावर कोणाच्या ठेवू नये बोट |
व्यंगावर कधी हसू नये थेट|
जातपात धर्म काढू नये स्पष्ट |
स्वामीनाम जपता दूर होती कष्ट||
संभाषण करता थोडके समजणे|
थोडके समजावणे, मुद्देसूद बोलणे|
असावे सदा वाचाळ मधाप्रमाणे|
जगत रहावे स्वामी नामाकारणे ||
विद्या, काम,भक्ती तळपते शब्दातुनी|
शब्द हा उत्पन्न व्हावा अनुभवानी|
शब्दामुळे दंगल,शब्दामुळे मंगल|
सावध राहून शब्द जंजाळातूनी |
स्वामी नाम जपावे अखंड जीवनी ||
शब्द बेतावे शास्त्राभ्यास करोनिया|
आपल्या जीभेवरी ताबा ठेवूनिया |
जगी सर्व सुखी असे जो प्राणीया|
वाणीतून उच्चारी शब्द जपूनिया |
त्याला मिळते मुक्ती स्वामी पदीया||
आचार विचार होती शुध्द सत्य|
अशक्य त्या गोष्टी होतात शक्य|
मोहक रुप ते स्वामींचे दिसे नित्य|
मन होवून धुंदीने गात होतसे धन्य|
श्री स्वामी समर्थ जय जय श्री स्वामी समर्थ ||
श्री गुरुदेव दत्त श्री स्वामी समर्थ
वैशाली कुळकर्णी
34)
श्री गुरुदेव दत्त श्री स्वामी समर्थ
करिता स्वामींदत्ताचे ध्यान
मिळे चित्ताला नित्य शांती
जीव शिव होऊनी जाता एकरुप
कायावाचामन अनुभवे परमशांती
स्वामी हो गर्जूनी घालता साद
स्वामी ठायी उफाळून येई प्रिती
स्वामींच माझे असती ब्रम्हांडनायक
स्वामीनाम घेता मिळे जीवनमुक्ती
तन मन माझे स्वामीमय होता
कळीकाळाची मज न वाटे भिती
बोलावूनी घेती स्वामी दर्शनासी स्वामीदत्त नामाशी करीता दोस्ती
दिन दुबळ्यांच्या देता घास मुखी
मन येई उचंबळून डोळे भाव टिपती
स्वामीशंकरदत्त माझे सर्व काही
शरण जाता नजर चरणी स्थिर होई
श्री गुरुदेव दत्त श्री स्वामी समर्थ
35)
श्री गुरुदेव दत्त श्री स्वामी समर्थ
मी न माझी राहिले एक स्वप्न सत्य जाहले
डोळे भरुन पाहता स्वामी मलाच पाहून हसले
मनात सतत स्वामीनाम चक्र तीव्र गतीने चाले
मन स्वामी सेवेसाठी जनात ओढ घेऊ लागले
संसारी रमेना मन व्याकुळतेने काठोकाठ भरले
भुकेल्या जीवा घास देता मज स्वामी राम दिसले
मन छोटा काजवा होऊन उंच उंच गगनी उडाले
प्रकाश स्वामी नामाचा देण्या जनात चमचमले
मन स्वामींच्या कानीचा डूल होऊनी डोलले
श्री स्वामी समर्थ नामात जीवन जोरात चालले
स्वामींच्या गळ्यातील माळेचा मुकुट मणी झाले
गळी शोभूनी स्वामीनामसेवेत बुडूनी साक्षी झाले
मज दिन दुबळ्यात स्वामीच दिसती वसलेले
गरजूनां मदत कराया भाग्य स्वामीनी दिधले
स्वामी गुरुमाउली अचानक पुढे उभे ठाकले
काही न समजता मन आनंदे अश्रूंसह बरसले
स्वामी चरणी नतमस्तक होऊनी मी धन्य झाले
समर्पूनी तुझे तुलाच चारीधाम मज इथे लाभले
श्री गुरुदेव दत्त श्री स्वामी समर्थ
@वैशाली कुळकर्णी
36)
श्री गुरुदेव दत्त श्री स्वामी समर्थ
रात्रीच्या या गर्भातून
उगवते सुंदर पहाट
स्वामी नामवेडातून
उभरते स्वामीभक्ती अफाट।
वळणावळणाचा घाट
सोबतीला सरळ वाट
प्रपंची परमार्थ साधणे
कसोटी असते खास।
कलेने वाढे जेव्हा चंद्रबिंब
तेव्हा पुनवेला चमके पूर्णचंद्र
भक्तीने चंदन उगाळता
पसरे जनीमनी स्वामीगंध।
भरती ओहोटी यातून
सागर निघतो ढवळून
त्याचाच दिसतो परिणाम
माणसाच्या मनामनातून।
लांब झुकलेले क्षितिजाशी
म्हणून ते आकाश असते
क्षितिजा अलिकडे पलिकडे
नाम काठोकाठ भरुन उरते।
प्रेम आसवांनी जोडले जाते
क्षणोक्षणी जीवन रंग बदलते
सुख दुःखात सदैव साथीला
स्वामींशी केलेली मैत्री असते।
यशापयशाच्या चढणीवर
घालता स्वामीना साद
आयुष्याच्या देवघेवीतून
मिळे चरणी शांती सहवास।
सुचलेले चार शब्द
विरुन जातात क्षणात
कवितेची माला अर्पिते
स्वामी घ्याहो पदरात।
श्री गुरुदेव दत्त श्री स्वामी समर्थ
®वैशाली कुळकर्णी
37)
श्री गुरुदेव दत्त श्री स्वामी समर्थ
मन आहे आरसा
हे तू जाणून घे
विचारांना हसत
नामाच्या ओटीत घे
किती आहेत गोष्टी
पारख स्वतःला जरा
नको फिरवू नजर
स्वामी घेतील खबर
कशाला आलो
या सुंदर जगती
का वागतो असे
असता स्वामी सोबती
मी माझे सतत करत
स्वतःत गुंतून वाढे मीपण
आयुष्याचे क्षण न क्षण
व्यर्थ स्वामीनामाविना आपण
इथेच कमवून पैसा
इथेच सोडून जायचा
गुंतून त्यात न पडता
ध्यास घ्यावा स्वामीसेवेचा
मिळत जाते सुख
मनासारखे जगून
पण दुःखातच मिळे
स्वामी नामाची ऊब
आज तुजकडे आहे
उद्या जाई दुजीकडे
हेच ते जीवाचे सत्य
स्वामी माझे हेच खरे
दिलेले शरीर असे धड
कोणाच्या उपयोगी पड
दिन दुबळ्यात राहूनी
घट्ट करी स्वामींची पकड
नको म्हणू कधी नाही
समोर येणार्या घास देई
मनी समाधान भरूनी राही
चित्त स्वामीमय होई
देह नसे हा शाश्वत
कधीतरी जाणार
साथीला शेवटी
स्वामी नामच येणार
स्वामी तुमचेच शब्द
तुम्हांलाच अर्पण
स्वामीमय होऊन
राहो माझे जीवन
श्री गुरुदेव दत्त श्री स्वामी समर्थ
®वैशाली कुळकर्णी
38)
श्री गुरुदेव दत्त श्री स्वामी समर्थ
स्वामी समर्था तू
असे माझा त्राता
सांभाळ या तुज
लेकराला आता।
घडूनी गेल्या गोष्टी
मज अजाणता
विचारात न राही
रे मज स्थिरता।
शब्दाच्या जंजाळात
असे गूढ जटीलता
गुंतूनी मन वेडावते
लिहिण्याकरीता।
मनात वसे स्वामी
ओढ अंतर्मनाची
नाही मज खोड
कोणा दुखावण्याची।
मान यश किर्ती
नको रे मज सर्वदा
तुझिया सेवेचे मज
वेड लागे अनेकदा।
माझे मन ओढ
घेई तुझिया नामी
आस आणि ध्यास
तव चरण धामी।
मनी चिंतनी स्वामीराम
त्यावीना नसे दुजे ध्यान
स्वामी नामाच्या विचारात
स्वतःला टाकी बुडवून।
नको रे मला येथे काही
विसावा तुझ्या चरणी पाही
किती सांभाळी तू आई
चुक माझी पदरात घेई।
नाही मनी असे आकस
कोणा बद्दलचा त्रास
सदैव राहो स्वच्छ मनात
तुज चरणी येण्याची आस।
माफी द्यावी स्वामी आई
मजकडून जाहलेल्या चुकांची
परत घडणार न असे काही
याची काळजी मी घेई।
आता इतुकेच ध्येय उरले
स्वामी नामातच राहावे
सदा सर्वदा स्वामी सेवेत
राहूनी जीवन सार्थकी लावावे।
श्री गुरुदेव दत्त श्री स्वामी समर्थ
® वैशाली कुळकर्णी
39)
श्री गुरुदेव दत्त श्री स्वामी समर्थ
जय जय स्वामी समर्थ गजरी
पाहिली दिनदयाळ अन्नपूर्णेश्वरी
धरी भक्तांवर कृपेची सावली
श्री स्वामी समर्थ गुरुमाऊलीेे
स्वामीराजांचे सदा स्मरण होई
षडरिपु जाळिता गुरुभेट होई
नामाच्या घोषांने येई शांती शरीरी
देहभान हरपून जागे साधनाअंतरी
आई वडिलांचे असे ऋण मजवरी
या जन्मात गुरुसेवेची मिळे शिजोरी
मी स्वामींची स्वामी माझे मायबाप
साथ स्वामींची असता हर्ष अमाप
कविता स्वामींनी लिहून घेतली
त्यांचीच ही रचना त्यांनाच अर्पिली.
श्री गुरुदेव दत्त श्री स्वामी समर्थ
वैशाली कुळकर्णी
40)
श्री गुरुदेव दत्त श्री स्वामी समर्थ
मी आणि तुम्ही नच वेगळे
माझे मन मी तुम्हालाच वाहिले
तुमचे माझे नाते जगावेगळेे
तुमच्या नामाने मज वेड लावले
अनोखेे क्षण असती भारलेले
नामाच्या अनुबंधाने व्यापलेले
नकळत मनभर विखुरलेले
आतल्याआत तुमच्यात मिसळलेले
स्वप्नांच्या नगरीत जाऊन आलेले
रात्रीच्या गर्भातील नामात भिनलेले
काळोखात विचारांची मीठी सोडलेले
उगवत्या सूर्याबरोबर स्वामीमय झालेले
मनातले भाव अश्रू होऊन ओघळले
आठवणींच्या ओझ्याखाली राहिले
मनाच्या वेदनाना स्वामीनामात बुडवले
हळव्या मनाला आधार स्वामीच झाले
साथ तुमची निरंतर पाहून मन सुखावले
तुमचे माझे हे भेद कायमचे शांत झाले
शरण जाऊन स्वामींना नतमस्तक झाले
मीपणाच्या द्वंदाला स्वामीनामाने उध्दरले।
श्री गुरुदेव दत्त श्री स्वामी समर्थ
©वैशाली कुळकर्णी
41)
श्री गुरुदेव दत्त श्री स्वामी समर्थ
येऊ देत आयुष्यात अडचणी अमाप
लागू दे विचारांची रांगच रांग खूप
पण हे मना एकचित्त सोडू नको
स्वामींनाम जपण्याचे विसरु नको
पुरवून स्वामीनामांवरच्या प्रेमाला
हात दे तू दिन गरीब जीवाला
कोणत्याही रुपात स्वामी धाव घेतील
त्रास सहन करण्यास तुला बळ देतील
जे घडावे अस त्यावेळी वाटत असते
स्वामीपरिक्षेत त्याच्या विरुध्द घडते.
स्वामीनामाचा करुन बघता प्रवास
तेच घडवते मनीच्या गोष्टी खास
मान राखता मोठ्यांचा सर्वदा
नामातून स्वामी हाक ऐकती सदा
गोड नाम मुखात ठेवत जपूनी मन
स्वामीसेवेत अर्पावे सदा तनमन
अनुभवातूनच शिकावयास मिळत असते
हळूच विचारी मनच स्वामींशी एकरुप होते
श्री गुरुदेव दत्त श्री स्वामी समर्थ
वैशाली कुळकर्णी
42)
श्री गुरुदेव दत्त श्री स्वामी समर्थ
तूच आहेस स्वामीराया माझ्या
मनामनातील स्पंदनांचा विश्वास।
तूझाच असतो नित्य दोन
श्वासांतील अंतरामध्ये वास।
तूच ओळखतोस मनातील
भावनांच्या वर्तुळाचा व्यास।
तुझाच विचार मनाला देतो
जगण्यासाठीचा उल्हास।
तूच स्वामीराया सखासोबती
जो देतो अचूक सल्ला या जीवास।
तुझ्याशीच भांडून करते मनमोकळ
तूच देतोस प्रश्नाचे उत्तर विनासायास।
सर्वांच्या मनामनात फिरुन स्वतःतील
आत्म्याचा चमत्कार दाखवतोस खास।
तूच आहेस माझा परमेश्वर ज्याच्या
नामात रमता विसर पडे या पामरास।
जन्मोजन्मींची पापे सरली तरच
भेटते स्वामीमाऊली सदभक्तांस।
विनम्रतेने शरणागत मी परमपित्याला
अर्पिते या मनातील भावसुमनास।
श्री गुरुदेव दत्त श्री स्वामी समर्थ
वैशाली कुळकर्णी
43)
श्री गुरुदेव दत्त श्री स्वामी समर्थ
नामस्मरण सदा असे कल्याणकारक
नित्यनेम ठेवूनी सकाळ,दुपार,संध्याकाळ
नामस्मरण करावे स्वामींस आठवूनी।।१।।
सुखात,दुःखात ,उद्वेग,चिंता व आनंद,
वादातही नामस्मरणास कधी न जावे विसरुनी।।२।।
ताकद,वैभव,सत्ता अनेक गोष्टी असता
अत्युच्च यश मिळे तरी नाम न द्यावे सोडूनी।।३।।
बोलता,चालता,खाता,पिता,काम करता
अनेकविध भोग भोगिता नाम यावे आतूनी।।४।।
असे नामस्मरणास वेळोवेळी घ्यावे
सद्गगुरुचरणी विनम्रभावे शरण जावे अंतरातूनी।।५।।
श्री गुरुदेव दत्त श्री स्वामी समर्थ
@वैशाली कुळकर्णी.
44)
श्री गुरुदेव दत्त श्री स्वामी समर्थ जय शंकर
तुझिया कृपेची बरसात ।
होऊ दे नित्य शिरावरी।
हे स्वामी समर्था शंकरा।
मजवरी अशीच कृपा करी।
हे स्वामीराया छत्र धरी सर्वांवरी।।१।।
दिसती तव चरण नित्य
श्वासात वसे श्रीस्वामीसमर्थ
गुरु नामाविण जीणे व्यर्थ
सदा नामी चित्त स्थिर करी
हे स्वामीराया छत्र धरी सर्वांवरी।।२।।
मनात आणिता उचलूनी नेशी।
कोण्या जन्माची पुण्याई अशी।
तूच असे मज साथी सोबती।
रंगती दिशा स्वामीनाम गजरी।
हे स्वामीराया छत्र धरी सर्वांवरी।।३।।
काय मागावे मागणे तुजपाशी
देसी सर्व न मागता या पामरासी
झोळी सदासर्वदा नाम भरुनी वाही
घुमतसे स्वामीशंकर नाम अंतरी
हे स्वामीराया छत्र धरी सर्वांवरी।।४।।
कष्ट न पडती कधी नसे त्रास
स्वामीशंकर नामाची धरता कास
उभे राहती स्वामीशंकर रुपात
खेचूनी नेती आपुल्या मंदिरी
हे स्वामीराया छत्र धरी सर्वांवरी।।५।।
दुःखातूनच सुखानंद मिळवून देसी
स्वतःच्या अस्तित्वाची देसी प्रचिती
प्रारब्ध भोग संपवण्यासी मार्ग दाविसी
नतमस्तक मी सदा गुरुचरणांवरी
हे स्वामीराया छत्र धरी सर्वांवरी।।६।।
तूच स्फूर्ती देशी शब्द लिहिण्यास।
शब्दा शब्दातून असे तुझाच वास।
सुगंधित तव नामाचा येई सुवास।
गुरुराया तुझेच तुज अर्पण पदांवरी।
हे स्वामीराया छत्र धरी सर्वांवरी।।७।।
श्री गुरुदेव दत्त श्री स्वामी समर्थ जय शंकर
@ वैशाली कुळकर्णी
45)श्री स्वामी समर्थ
श्रीहरी विठ्ठल जयहरी विठ्ठल
गजर घुमला आसमंती
पंढरीकडे निघाला वारकरी
षडरिपू वाहण्या हरीचरणी
चंद्रभागा तीरी विठूची पंढरी
वारीच्या वारी करुनी माऊली
आनंद वेगे गाऊनी अभंगवाणी
आसुसली भेटण्या भक्ता विठाई
श्री स्वामी समर्थ
46)श्री स्वामी समर्थ
स्वामींरुप अवतरले
आज आजोळी
फुले पाने वेलींवर
स्वामीं परिवाराच्या
सदस्यांच्या सेवेतूनी।
सुगंधित मातीच्या
कणा कणांतून
साद घालिते अवनी।
सजली धरा हिरवाकच
शालू भरजरी नेसूनी।
स्वागत कराया झाडांची
रांग आली सरसावून
लालमातीत घेण्या स्वतःला बांधूनी।
नेटाने जगून फळेफुले बहरुन
सुशोभित स्वामीं वास्तू करायचे
घेतले मनी।
स्वामीं घेती वृक्षलतेसह
सुगंधित आजोळ मठाचा
पाया सजवूनी।
नजरेसमोर दिसते सुंदर
फळाफुलांनी सजलेली
आजोळ मठातील स्वामींची
मूर्ती हसत असेल मनोमनी।
एक ध्यास एक आस हाती
घेतलेले सेवाव्रत आणा हो
स्वामीं लवकरच जुळवूनी।
करवून घ्यावो निरपेक्ष
आईवडिलांची सेवा
सर्वांच्या हातूनी।
श्री स्वामी समर्थ
47)श्री गुरुदेव दत्त श्री स्वामी समर्थ
नामरुपे साधता भक्ती
मिळे आकलन शक्ती
विश्वास ठेवता चित्ती
सद्गुरू ईच्छा पुरविती।
मम एकच आस हृदयी
सद्गुरूरुप मज दावी
पाहाण्या आर्त झाले मन
मनोमनी श्री दत्तध्यान।
ओठांवर सदा असे नाम
गुरुचरणी मन झाले लीन
धावपाव रे स्वामीं गिरनारी
भेटव रे मज लवकर श्रीहरी
नमूनी आज सद्गुरू शंकरा
आस माझी पुरी करा
तवचरणी देऊन थारा
या जीवा आता उध्दरा।
श्री गुरुदेव दत्त श्री स्वामी समर्थ
48)श्री स्वामी समर्थ
पेटवून हृदयात दिप
चेतवून भक्ती रंग
स्वामींना ठेऊनी मनात
आणूया भजनात रंग।।1।।
सदा इथे नामगंधात
जाते रंगून सांजवात
न जावा कधी लयास
तुझाच रे नाम संग।।2।।
दूर जवळ तीर्थक्षेत्रात
वाटतसे हरी भेटत
एकदाच अंतरंगी बघून
पाहे मन करुनी भंग।।3।।
नामाच्या संथ लयीत
हरीहर करी सोबत
अलगद भरुन टाक
सभोवार स्वामीरंग।।4।।
गुरुरुप कधी कळेल
जेव्हा मीपण जळेल
बघ तरी आता खरेच
करुनिया संतसंग।।5।।
अंतरीचा प्रत्येक श्वास
करता नामासंगे प्रवास
झापड मनावरची उठेल
येता वरी अभंगतरंग।।6।।
श्री गुरुदेव दत्त श्री स्वामीं समर्थ
49)श्री गुरुदेव दत्त श्री स्वामी समर्थ
स्वामीशंकरदत्त गुरुवरा।
तूच असे कर्ता करविता।
दाता देवविता सर्वदा।
माझा सखासोबती मित्रही।।
सदोदित नामाची गोडी।
लावितसे तूच मम अंतरी।
पाहूनी तव रुपे अगणित।
स्थिर होई मम चित्तही।।
श्रीपादवल्लभा स्वामींराया।
भुरळ पाडे मानसभक्ती।
मुखी येता सुंदर तव मंत्र।
हृदयीं भरुन राहे मोदही।।
शरणागता अभय तू देसी।
करुणामय माझी माय तू।
आर्ततेने आळविता तुज।
पावन होई आत्मरुपही।।
श्रीपाद राजम् तव शरणम्।
स्वामीं समर्था तव शरणम्।
दत्ता अवधूता येई धावून।
तव चरणी लीन हे मनही।।
कुठे दडलास तरीही आता।
किर्तनरंगी रंगून धाव घेसी।
शोधणे तुज व्यर्थ पटे मनी।
चराचरात तूच भरुन राही।।
तुझेमाझे झाले सर्व परके।
काळजीची धून सदा ऐकून।
पूर्णपणे विटून जाता हे मन।
नामाचे बळ देऊन सांभाळीही।।
श्री गुरुदेव दत्त श्री स्वामी समर्थ
वैशाली कुळकर्णी
50)श्री गुरुदेव दत्त श्री स्वामी समर्थ
स्वामींदत्तरुपी गुरुवरा
तूच असे करविता
दाता देवविता सर्व
माझा सखा मित्रही।।1।।
सदोदित तुझे नाम
तूच आणि मम अंतरी
पाहूनी रुपे अगणित
स्थिर होई मम चित्तही।।2।।
श्रीपादवल्लभा स्वामींराया
भुरळ पाडे मानसभक्ती
मुखी येता सुंदर तव मंत्र
हृदयीं भरुन राहे मोदही।।3।।
शरणागता अभय तू देसी
करुणामय माझी माय तू
आर्ततेने आळविता तुज
पावन होई आत्मरुपही।।3।।
श्रीपाद राजम् तव शरणम्
स्वामीं समर्था तव शरणम्
दत्ता अवधूता येई धावून
तव चरणी लीन हे मनही।।4।।
कुठे दडलास तरीही आता
किर्तनरंगी रंगून धाव घेसी
शोधणे तुज व्यर्थ पटे मनी
चराचरात तूच भरुन राही।।5।।
तुझेमाझे झाले सर्व परके
काळजीची धून सदा ऐकून
पूर्णपणे विटून जाता हे मन
नामाचे बळ देऊन सांभाळीही।।6।।
श्री गुरुदेव दत्त श्री स्वामी समर्थ
वैशाली कुळकर्णी 😊:
51)श्री स्वामी समर्थ
नामासंगे एक होऊया
सर्व जग विसरुन भान
तालसुरात गाऊया रे।
नामात स्वामींना पाहूया
जीवन स्वामीनामी लावूया रे।
सर्व सुखे असती मिथ्या
नामाची भूक बांधी नात्या रे।
जीवाला वेड लागता नामाचे
कुणीही नसता अंती नामच
साथीला येते रे।
अंतकरण एकच सर्वदा
पुकारे श्री स्वामीं समर्थ
गर्जूनी आवाज आसमंती
भिनवा रे।
एकताल लयीत गाऊ रे
श्री स्वामी समर्थ जय
जय स्वामीं समर्थ जपा रे।
ध्यानी मनी स्वामीं शंकर
नाम गुणगान त्यास स्वामीं
नामाची लागे तहान रे।
शेवट येता जीवनाचा कोणी
नसे आधाराला स्वामीं शंकर
येती सोबतीला रे।
एकच स्वामींशक्ती मनीची
उध्दराया प्रेमाने ये धावून
घाबर्या मनाला त्याचीच
मिळे सोबत जाण रे।
मना सर्व सुखांना कवटाळलेस
तरी स्वामीं नामस्मरणाला
कधीच विसरू नकोस रे।
श्री स्वामी समर्थ
