श्री स्वामी समर्थ
होते मन अती दुःखी
त्रासून जाई अंतःकरण
लागता मना गोष्ट काही
तेव्हा गळा येतो दाटून
हट्टी मना न पटता विचार
भावनांचा होतो कल्लोळ
विचारांचे होता द्वंद्व मनी
अहंकार तो फणा उभारी
आपले करती मनावर घाव
कुठे करावी सांगा तक्रार
असे दोन गोड शब्दांची आस
समजून घेण्या लागती सायास
अशावेळी आठवणी येती दाटून
आठवे मैत्रीचे दिलखुलास संभाषण
गेले दूर ते पारिवरिक हसरे क्षण
राहीली शाब्दिक चकमकीची खूण
अशा आठवणींना फुटता पाझर
अवचित अश्रू ओघळती गालावर
जगात कॉपी-पेस्टचा चाले बाजार
भरडून जाती लिहिणारे खरोखर
सत्याने जगणार्यास जे मागती आधार
अशांने मन होई स्वामीचरणी स्थिर
स्वामीनाम हाच एक असे माझा ध्यास
जाऊ दे सर्व मनातून शरण मी स्वामीपदास
श्री स्वामी समर्थ
श्री स्वामी समर्थ
उदे ग आई उदे ग शांताई
तुझ्या नावाने उदे ग दुर्गाई
पाहता सुंदर मुखकमल
शांत मनी होते हलचल
मायेचा स्पर्श होता आई
नयनी पाणी धावत येई
हास्यात तव शांती विलसे
हृदयी निरंतर प्रेम वसे
साजिरी गोजिरी माय माऊली
लेकरावर ठेव तव कृपा सावली
दुर्गेचा तू असशी शांत अवतार
तापटपणाला घाली शांतीची पाखर
चेहर्यावरचे भाव नित्य बदलती
स्थिर पाहता येते प्रचिती
धाव घेई आसुसला जीव दर्शना
कधीतरी पुरवशील ही आस ना
शांताई कधीही रोष न करी मजवरी
दिसे मज नित्य तव चरण अंतरी
रोज हळदकुंकू लाविते तव भाळी
राहू दे घरी असाच तुझा वास सर्वकाळी
मन होई नतमस्तक पंचमीचे रुप देखणे पाहून
सर्वांचे हित कराया अवतरली शांतादुर्गा कवळेवाशीण.
उदे ग अंबे उदे ग शांताईच्या नावाने उदे ग
ही भावपुष्पे अर्पिते तव चरणावर उदे ग
श्री गुरुदेव दत्त श्री स्वामी समर्थ
वैशाली कुळकर्णी
श्री गुरुदेव दत्त श्री स्वामी समर्थ
श्रीराम जय राम जय जय राम।
कायावाचामने नित्य घ्यावे नाम।
शांतीचे असे ते परिपूर्ण धाम।
श्रीराम जय राम जय जय राम।
विचार येता मना स्थिर करी नाम।
काम धाम करताना शक्ती देई राम।
श्रीराम जय राम जय जय राम।
सर्वत्र असे वसलेले स्वामी नाम।
दुष्ट प्रवृत्तीनां पळवून लावी राम।
श्रीराम जय राम जय जय राम।
जगाला दिशा दाखवी दिव्य नाम।
शुद्ध होते मन आठवता स्वामी राम।
श्रीराम जय राम जय जय राम।
क्रोधाला जिंकून घेई स्वामी नाम।
हसवून जगणे शिकवी मनात राम।
श्रीराम जय राम जय जय राम।
स्वार्थी दुनियेत असे निस्वार्थी नाम।
पैचाही खर्च नसे घेण्यासाठी नाम।
श्रीराम जय राम जय जय राम।
दिन दुःखिता मध्ये वसतो स्वामी राम।
खरा दुःखी ओळखता येतो घेता नाम।
श्रीराम जय राम जय जय राम।
नित्य दान करी रे मनी घेऊनी नाम।
जीवनाच्या अंती मुखात येईल रे स्वामीनाम।
श्रीराम जय राम जय जय राम।
मनात न धरिता खंत प्रेमाने घेऊ नाम।
स्वामीसेवा करु हातात हात घेऊन मुखी नाम।
श्रीराम जय राम जय जय राम।
श्री गुरुदेव दत्त श्री स्वामी समर्थ
वैशाली कुळकर्णी
श्री गुरुदेव दत्त श्री स्वामी समर्थ
स्वामी तिन्ही जगाचा
आईविना भिकारी
दोन थेंब आसवांचे
देती वेदना जीवाला
घरट्यातून नयनांच्या
साद घालती माऊलीला
हरवून मन हे जाते
गुज गोष्टीत मैत्रिणींच्या
मिळता एकांत मजला
पाझरे नयनातूनी या
कधी भेटसी मला ग
आठव सारखी येते
मायेचे चार शब्द मिळता
नयनाला पाझर फुटते
कुठे अडकलीस माऊली तू
का लागलीस असे कराया
फिरुनी घे जवळी तू
डोळे भरुन येती तुज
पहिल्या सारखी पहाया
आईची महती सांगूनही संपेना
आई सम माया कोणी करु शकेना
स्वामीच वसती माऊलीत
आठव येता आईची स्वामी नाम येई ओठी
श्री गुरुदेव दत्त श्री स्वामी समर्थ
वाढदिवसाच्या खूप खूप शुभेच्छा आई तुला
आमच्याकडून.
वैशाली कुळकर्णी
श्री गुरुदेव दत्त श्री स्वामी समर्थ
शांताई दिसे तुझे रुप किती ग सुंदर
डोळ्यांचे पारणे फिटे बघता नयनमनोहर
हास्य विलसे तेजोमय चेहर्यावर निरंतर
भारुन जाई मन तुझ्या पदी लीन खरोखर
वाटे जाऊनी विसावा घ्यावा तव मांडीवर
तव आशिष मिळण्या मन हे आतूर
कृपेची सावली राहू दे सर्व भक्तांवर
श्री गुरुदेव दत्त श्री स्वामी समर्थ
वैशाली कुळकर्णी
No comments:
Post a Comment